Чави: Мане и Обамејанг не се тип на играчи за Барселона

Барса ова лето сигурно ќе ангажира неколку засилувања, а тоа посебно се однесува во нападот.

Со Каталонците се поврзуваат Мане, Обамејанг, како и Лаутаро Мартинез, меѓутоа за сега се е во рамките на шпекулациите.

Легендарниот играч на Барса, Чави Ернандез го кажа своето мислење.

„Мане и Обамејанг се одлични играчи, но за Барса е потребен друг тип на играч. Потребен е играч кој прави разлика на мал простор. Денеска не е лесно да пронајдете таков играч. Такви играчи се Самуел Ето, како и Луис Суарез.“ – изјави Чави.

Чави призна дека ќе биде среќен доколку Барса успее да го врати Нејмар на Камп Ноу.

„Нејмар е еден од најпаметните играчи на светот. Се надевам дека ќе се врати, тој прави разлика.“

Чави неодамна требаше да седне на клупата на Барса, но преговорите пропаднаа во последен момент.