Дома Останати Кошарка НБА Харден поентерски поскромен, Хјустон подобар од шампионот (ВИДЕО)

Харден поентерски поскромен, Хјустон подобар од шампионот (ВИДЕО)

Изминатата вечер во НБА лигата беа одиграни четири натпревари.

Хјустон на гостувањето беше подобар од шампионот Торонто со 119:109. Рокетси многу подобро го започнаа натпреварот и водеа со 34:28 после првата четвртина. На полувремето заминаа со предност од осум разлика. Рапторси со серија од 16:1 во третиот период успеаа да го свртат резултатот и да поведат со 78:75.

Сепак, тоа водство на Рапторси кратко траеше, Риверс и Меклемор погодија по две тројки за ново водство на „Ракетите“. После неколку промашувања на Рапторси Хјустон се одлепи и во главно го контролираше резултатот освен кога Торонто се доближи до 101:100. Меѓутоа Хјустон тогаш одговори преку Џејмс Харден и Пи Џеј Такер.

Меклемор беше најефикасен кај Хјустон со 28 поени, Харден уфрли 23, а Расел Вестбрук натпреварот го заврши со трипл-дабл учинок од 19 поени, 13 скокови и 11 асистенции. Во редовите на Торонто Паскал Сиакам беше најдобар со 24 поени.

Никола Јокиќ во последно време е тивок, а таков беше и во триумфот на Денвер против Њујорк Никси. Денвер славеше против Никси со 129:92. Јокиќ оствари учинок од само шест поени, десет скока и осум асистенции. Најдобар кај Денвер беше Бартон со 17 поени исто толку од спротивната страна уфрли и Робинсон.

НБА резултати

Вашингтон – Филаделфија 119:113

Њујорк Никси – Денвер 92:129

Торонто – Хјустон 109:119

Њу Орлеанс – Феникс 132:139 (после продолженија)

Коментари
Прочитајте поврзани статии
Load More In НБА

Проверете

„Бомба“: Азар се сели во Серија А

Зинедин Зидан не е задоволен од партиите кои во последните месеци ги пружа Един Азар, па е…