Фудбалски терен во Србија ќе го носи името на Жозе Мурињо

Португалскиот стратег Жозе Мурињо доби фудбалски терен во Србија, односно терен кој ќе го носи неговото име.

Фудбалскиот клуб од местото Уб во Србија донесе одлука нивниот терен да го носи името на славниот тренер. Идејата теренот да го носи името на Мурињо во клубот ја добиле од почитта која ја имал Мурињо кон Србија, а главен посредник бил Немања Матиќ кој со Мурињо соработуваше во Челзи и Манчестер Јунајтед.

Матиќ ја пренел желбата на луѓето во Уб на Мурињо, додека Португалецот не правел проблем теренот да го носи неговото име, дури и најавил дека наскоро ќе го посети ова место.