Французинот Гаел Монфис дискфалификуван од турнир во Осло

Познатиот француски тенисер Гаел Монфис бил дисквалификуван од турнир во Осло откако го повреди супервизорот, Стефан Апостолу.

Наводно Монфис имал пријателски разговор со Апостолу по што дошло до другарско туркање и повреда на супервизорот.

„На организаторот на турнирот му е драго што немало лоша намера од Гаел, но поради повредата која ја доживеало официјалното лице, сметавме дека нема друг излез, освен да го дисквалификуваме тенисрот. Гаел ја прифати дисквалификацијата и тој и супервизорот се разделија во пријателски тон“, стоело во официјалното соопштение од турнирот.

Каспер Руд, Холгер Руне, Андреј Рубљов, Беноа Пер, Доминик Тим, Алекс де Минор и Александер Бублик се тенисерите кои учествуваат на овој егзибициски турнир.