Франција е следниот член: ВАР се имплементира во четири од петте водечки земји на „Стариот континент“

Најквалитетните лиги во Европа постепено ги прифаќаат иновациите кои со себе ги носи современиот фудбал, па така од сезоната 2018/19 во четири од петте најсилни лиги на „Стариот континент“ ќе гледаме видео технологија.

По Серија А, Бундеслигата и Примера, популарниот ВАР пристигнува и во француската Лига1.

Фудбалскиот сојуз на Франција денес потврди дека од следната сезона видео технологијата ќе биде користена во Лига1, баш како што е случајот со шпанска Примера.

ВАР во Франција ќе биде користен во ситуации каде постојат дилеми околу постигнат погодок, директен црвен картон, замена помеѓу играчите и кај одлучување за најстрога казна.

По оваа денешна информација, останува да се види кога Англичаните ќе ја воведат во својот систем.