![](https://sportski.mk/wp-content/uploads/2016/12/09.12ro1.jpg)
Кристиано Роналдо преку агенцијата „Гестифуте“ ја објави својата даночна пријава како демат на обвинувањата дека затајувал данок преку фирми отворени во Ирска и Девствени острови.
„Гестифуте“, чиј сопственик е менаџерот Жорге Мендеш, кој ги застапува правата на Роналдо, преку даночната пријава откри дека Португалецот не избегнувал плаќање данок, односно документот покажува дека надвор од Шпанија заработил 203,7 милиони евра, а во Шпанија заработката изнесувала 23,5 милиони евра.
Лига Нации: Се освен прво место ќе биде катастрофа за Македонија! ↓↓↓
„Фудбалерот повеќе нема да одговара на прашањата поврзани со оваа тема. Докажавме дека Роналдо и неговите застапници соработуваат со властите и работат според законот“, стои во соопштението на агенцијата.
Ова е одговорот на „Football Leaks“ кој објави дека Роналдо ги користел државите кои имаа пониски даноци за да присвои повеќе пари од мултинационалните компании со кои склучувал договори.
Меѓутоа она што зачудува е сумата која ја заработил Роналдо минатата година, а таа изнесува неверојатни 227,3 милиони евра.