ФИФА го суспендира Самуел Ето

Поранешниот камерунски напаѓач, Самуел Ето е суспендиран на шест месеци од страна на ФИФА.

Според објаснувањето на светската Федерација, Ето го прекршил ФИФА кодексот според две точки со своите погрдни зборови за противниците и официјалните лица на натпревар на Мундијалот, а во дадениот случај станува збор за осминафиналето меѓу Бразил и Камерун.

Ето со своето некултурно однесување предизвика реакција од дисциплинците, кои денеска соопштија дека Самуел е суспендиран во период од шест месеци.

Тој нема да има право да се појави на ниту еден натпревар за Камерун во било која категорија, или конкуренција, а суспензијата стапува на сила од денеска и ќе трае во наредните 180 денови.