Цеск Фабрегас оваа сезона само еднаш беше стартер во тимот на Антонио Конте и се погласни се шпекулациите дека во јануари ќе си замине од „Стенфорд Бриџ“.
Шпанецот порача дека сака да остане во Челзи бидејќи неговото семејство се чувствува одлично во Лондон, но со оглед на фактот дека не е во плановите на Антонио Конте најверојатно ќе ја промени средината.
Лига Нации: Се освен прво место ќе биде катастрофа за Македонија! ↓↓↓
Сепак, англиските медиуми тврдат дека ќе го промени клубот, но не и градот и дека од јануари ќе заигра за трет клуб во Лондон, после Арсенал и Челзи.
Имено, Вест Хем е силно заинтересиран да го донесе шпанскиот плејмејкер во своите редови, и единствен проблем за „чеканите“ претставува неговата голема плата.
Англиските медиуми пренесуваат дека Челзи ќе се согласи да го даде Фабрегас на позајмица и притоа да плаќа дел од неговата плата.