Уште еден клуб се откажа од турското првенство

Пред неколку дена од турската Супер лига се откажа Хатајспор поради катастрофалниот земјотрес, а денес пристигна потврда дека првенството нема да го продолжи и второлигашот Јени Малатијаспор.

Исто така под голем знак прашалник е продолжувањето на Газиантеп, клуб кој доаѓаше од уште еден од најпогодените градови. Ќе потсетиме, македонскиот фудбалер Лука Станковски настапува тука.

Сепак, не е исклучена и можноста цело турско првенство да биде прекинато, натпреварите за овој викенд се веќе одложени.

Раководството на турската федерација испратило предлог до Хатајспор и Газинатеп да го користат тренинг кампот на репрезентацијата, но клубовите од најпогодените градови засега немаат намера да играат.