Репрезентацијата на Полска доби лоша вест на три дена пред почетокот на Европското првенство, Роберт Левандовски го скинал мускулот и неговата повреда е сериозна.
Полските медиуми објавија дека резултатите од повредите се катастрофални и тој ќе мора одреден период да биде надвор од терените.
Диск голф го освојува светот, а го нема во Македонија!? ↓↓↓
Ова значи дека Левандовски сигурно го пропушта првиот натпревар од Европското првенство во кој оваа селекција ќе игра против Холандија, а прашање е дали ќе се рехабилитира за средбите против Австрија и Франција.
Репрезентацијата на Полска има сериозни проблеми во нападот бидејќи повреден од пред неколку дена е и Аркадиуш Милик. Исто така неизвесен е и напаѓачот на Верона Керол Свидерски.
Во овој момент здрав во редовите на Полска е само Криштоф Пјонтек, па ќе видиме каква ќе биде ситуацијата во наредните неколку дена.
Учество во игри на среќа е дозволено за лица со 18+ години. Играј одговорно!