УЕФА стравува од нереди: Навивачите на ПАОК добија забрана за гостувањето во Загреб

Полицијата во Хрватска го извести грчки ПАОК дека навивачите на клубот нема да добијат дозвола за патување на 1/8 финалниот натпревар помеѓу овие две екипи во Конференциската лига.

Истата забрана ќе важи и за навивачите на Динамо Загреб во Солун. Ваквите случувања се најмногу донесени поради нередите кои се случуваа во Атина на почетокот од сезоната.

Тимот на ПАОК нема друг избор освен да ги следи насоките од хрватската полиција. Претходно ваквиот предлог го прифати и УЕФА.

Првиот натпревар помеѓу двата тима се игра на 7-ми март во Загреб, додека една недела подоцна следи реваншот во Солун.