УЕФА испратила покана до Јувентус, Реал и Барса за настап во Лигата на шампионите

Иако се шпекулираше и некое време се најавуваше сепак УЕФА нема да ги исфрли Барселона, Јувентус и Реал Мадрид од Лигата на шампионите.

Како што познато УЕФА најави дека ќе има посебни казни за овие три клуба кои не се откажуваат од идејата за Суперлигата. Поради тоа се зборуваше дека Александар Чеферин ќе ги суспендира за настап во ЛШ на една или две сезони.

Сепак, италијанските и шпанските медиуми веќе објавија дека трите европски гиганти како и секоја година си ја добиле поканата за настапот во најелитното европското првенство.

Ќе потсетиме, проектот Суперлига не успеа да се реализира затоа што останатите девет клуба кои прво го потврдија учеството потоа го откажаа.