Тухел се сели во Серија А

Германскиот стратег Томас Тухел на лето би можел да се пресели во Серија А и да седне на кормилото на Рома ако Жозе Мурињо одлучи да си замине, пренесува „Газета дело Спорт“.

Раководството на „волчицата“ смета дека Тухел би бил идеален наследник на „Специјалниот“ и сака со него да започне нов проект.

Тухел е слободен откако доби отказ во Челзи на почетокот на сезоната, иако со „сините“ ја освои Лигата на шампиони во сезоната 2020/21.

Сепак, Рома ќе има жестока конкуренција, а интерес за Тухел покажува уште еден клуб од Серија А, а тоа е Интер доколку одлучи да му врачи отказ на Симоне Инзаги на крајот на сезоната.