ПСЖ вчера го победи Лион во натпреварот од 6. коло во француската Лига 1 и така го задржа 100% учинок во првенството. Головите ги постигнаа Нејмар и Икарди за ПСЖ, Пакета за Лион.
После натпреварот најмногу се зборуваше за Меси и Покетино, но во таборот на Лион не испуштија да забележат на каков начин ПСЖ дојде до изедначување.
Тренерот Питер Бож на прес-конференцијата за медиуми посебно го коментираше пеналот досуден над Нејмар.
„Нејмар беше виновен, тој го влечеше Густа и му ја стави раката на грбот. Сигурен сум дека не беше пенал. Го разбирам судијата дека не можел да видси, но како може ВАР да не реагира?“, се запраша Бож.
„Денес сум горд на своите играчи. Успеавме да му направиме проблеми на ПСЖ, а пенал немаше. ВАР требаше да се огласи“, заклучи стратегот на Лион.
Учество во игри на среќа е дозволено за лица со 18+ години. Играј одговорно!