Тони Крос е во самоизолација

Германскиот плејмејкер на Реал Мадрид, Тони Крос во моментов се наоѓа во самоизолација бидејќи имал контакт со човек заразен од Ковид 19, потврди шпанскиот клуб.

„Кралевите“ посочуваат дека резултатите од сите тестови кои му биле направени на Крос до овој момент се негативни.

Од Реал Мадрид не откриваат кога 31-годишниот Германец ќе му се приклучи на тимот и кога ќе може да игра.

На 16 мај Реал му гостува на Атлетик Билбао, а на тој меч најверојатно Крос нема да биде во конкуренција.

Official Announcement: Toni Kroos#RealMadrid

— Real Madrid C.F. 🇬🇧🇺🇸 (@realmadriden) May 14, 2021