Томас Лемар прави неочекуван трансфер во ПЛ

Францускиот фудбалер Томас Лемар е на излезната врата на Атлетико Мадрид.

Овој 24-годишен фудбалер пристигна во Атлетико летото 2018 година за 70 милиони евра, но не ги исполни очекувањата. Лемар не се вклопи најдобро во составот на Диего Симеоне и јасно е дека не ги прикажува игрите како претходно во Монако.

Веќе некое време на големо се шпекулира дека францускиот репрезентативец ќе го напушти Атлетико и својата кариера ќе ја продолжи во Англија. Лемар се поврзува со Арсенал и Челси, но неговиот нов клуб би можел да биде сосема неочекуван избор.

Островските медиуми утрово јавуваат дека Лемар е во сериозни разговори со Волвс и е подготвен да потпише за клубот. The Sun пренесува дека останува клубовите да се договорат за трансфер, односно дали Лемар ќе дојде на позајмица до крајот на сезоната.

Атлетико е спремен веднаш да го продаде Французинот, но за него бара 60 милиони евра, што тешко дека некој ќе ги плати во јануари.