Новиот менаџер на Манчестер Јунајтед, Ерик тен Хаг не губи време, pа откако во средата ја освои третата титула на Ајакс, вчера го одржа својот прв состанок за планирање на сезоната на „црвените ѓаволи“.
Интересно што на состанокот бил присутен и Стив Мекларен, кој е поврзуван за негов помошник на „Олд Трафорд“, но барем досега клубот нема објавено вакво назначување. Покрај Мекларен, меѓу присутните биле и спортскиот директор Џон Марто и Мичел ван дер Гааг.
Исхрана, повреди и тренинг – совети од доктор по спортска медицина | Уште еден поткаст
Четворицата разговарале за подготовката на „црвените ѓаволи“, а Тен Хаг сакал некои од играчите да се појават две недели порано од првично планираното, бидејќи холандскиот тренер смета дека повеќето од играчите не се во доволно добра физичка форма и им треба многу повеќе тренинзи за да можат да ги исполнат неговите барања.
Другата голема тема на која се разговарало било летниот трансфер пазар, како и можноста за привлекување на Френки де Јонг од Барселона. Последните денови многу се зборуваше за таков трансфер, а Тен Хаг ќе се обиде да го убеди својот поранешен пулен во Ајакс да премине во Манчестер Јунајтед.
Тен Хаг ча направи реконструкција на тимот и ќе донесе неколку засилувања, а некои фудбалери сигурно ќе го напуштат „Олд Трафорд“.
Учество во игри на среќа е дозволено за лица со 18+ години. Играј одговорно!