Спортинг го исфрли Ристовски во „Б“ тимот

Македонскиот заменик капитен од репрезентацијата Стефан Ристовски беше во преговори за заминување од Спортинг и трансфер во Русија, но на крајот остана иако е во лоши односи со тренерот Аморим.

Сега веројатно како казна Аморим решил да го испрати Ристовски во „Б“ тимот на Спортинг, заедно со нашиот фудбалер во вториот тим на Спортинг ќе оди и Камачо.

Португалските медиуми тврдат дека Ристовски и Камачо наскоро ќе го напуштат Спортинг, но сега преодниот рок во Европа е затворен, во Русија беше до 17. октомври и тоа веројатно беше последната шанса. Многу веројатно е дека Ристовски ќе остане во Спортинг се до зимскиот преоден рок.