Легендата на италијанскиот фудбал и светски шампион со Италија од 2006 година, Андреа Пирло објави дека ќе прави проштален натпревар на 21-ви мај на „Сан Сиро“ во Милано.
Пирло преку официјајално соопштение ги покани сите свои бивши соиграчи и пријатели да земат учество во натпреварот кој ќе биде од хуманитарен карактер.
Исхрана, повреди и тренинг – совети од доктор по спортска медицина | Уште еден поткаст
„Ова е шанса да споделам една специјална вечер со тоа што го сакам најмногу. Мечот ќе се игра на 21 мај на Сан Сиро, каде го поминав најголемиот дел од кариерата“, вели Пирло во соопштението.
Пирло професионалната кариера ја започна во Бреша во 1996 година, а потоа се сели во Интер (1998-2001). Потоа помина десет години во Милан каде ги оствари и најголемите успеси.
Последните четири години во Италија ги помина во Јувентус, а кариерата ја заврши во Њујорк Сити.
Учество во игри на среќа е дозволено за лица со 18+ години. Играј одговорно!