Слот со победа дебитираше на клупата на Ливерпул

Фудбалерите на Ливерпул го победија Бетис во првиот подготвителен натпревар во Питсбург со резултат 1:0.

Неодамна, на самиот старт од своите летни подготовки, Ливерпул одигра меч со Престон Норт Енд зад затворени врати и загуби со 0:1 на премиерата на новиот тренер Арне Слот, но првиот меч отворен за јавноста беше оној од Питсбург со што започна турнејата низ Соединетите Американски Држави .

Во, секако, исклучително комбиниран тим, Ливерпул го совлада шпанскиот тим со голот на Доминик Собослаи по убавата асистенција на Мохамед Салах.

Ливерпул во текот на подготовките ќе игра и против Арсенал, Манчестер Јунајтед, Севиља и Ипсвич.