Скандал во Австрија, селекторот избрка тројца репрезентативци

Селекторот на фудбалската репрезентација на Австрија, Ралф Рангник отстрани тројца фудбалери од репрезентацијата на само неколку месеци пред Европското првенство.

Рангник, поради хомофобија, ги отстрани фудбалерите на Рапид Виена, Марко Граул, Гвидо Бургсталер и Никлас Хедл.

По дербито со Австрија Виена, тие беа снимени како извикуваат хомофобични пораки, па селекторот ги избриша од списокот за дуелите со Словачка и Турција.

„Ова е нешто што нема да го толерирам во тимот во кој јас сум селектор. Се што се залагаме со репрезентацијата е на другиот крај на скалата и тоа им го кажав на играчите преку телефон“, изјави Рангник.