Симеоне: Сега Атлетико и Реал се на исто ниво!

Тренерот на Атлетико Мадрид, Диего Симеоне, верува дека неговиот тим е речиси на исто ниво со градскиот ривал Реал Мадрид.

Симоене тврди дека со заминувањето на Кристиано Роналдо двата тима се на исто ниво и не крие дека целта на „јорганџиите“ е титулата во Примера.

„Кога Роналдо замина, ние се доближивме до Реал. Секогаш се стремиме кон победи. Уверен сум дека сме претенденти за шампионскиот трофеј. Дури и кога бевме трети ние се боревме до крај“, изјави Симеоне.

Меѓутоа Атлетико оваа сезона имаше лош старт во Примера, па после три одиграни кола тимот запиша една победа, едно реми и пораз. Најголемите ривали Барселона и Реал Мадрид стартуваа со три победи.