Симеоне објасни зошто го бакнал Гризман по натпреварот со Севиља

Вчера Атлетико Мадрид со убедливи 6:1 ја победи Севиља, а интересна ситуација беше забележана по натпреварот кога тренерот Диего Симеоне го бакна францускиот напаѓач Антоан Гризман.

Многу брзо бакнежот на Симеоне стана хит на социјалните мрежи, па новинарите побараа објаснување од Аргентинецот зошто го направил тоа.

„Гризман го сакам како човек, но го вреднувам и како фудбалер. Бакнежот по натпреварот беше за неговата посветеност. По едни прекрасни години во Атлетико одлучи да замине, но потоа почувствува потреба да се врати и сега е со нас. Среќни сме што имаме таков играч на располагање“, изјави Симеоне.

Гризман во вчерашниот натпревар постигна еден гол и запиша една асистенција.

😘 El beso de Simeone a Griezmann. #DeportePlus pic.twitter.com/hvC9JSqJ3H

— Fútbol en Movistar Plus+ (@MovistarFutbol) March 4, 2023