Се огласи Кејн: Сакам да играм ЛШ и големи натпревари

Ѕвездата на Тотенхем, Хари Кејн се огласи околу својата иднина и уште еднаш потврди дека сака да ја промени средината.

Англиските медиуми пред неколку дена објавија дека Кејн лично побарал од претседателот на клубот да биде продаден ова лето.

„Имам искрен однос со претседателот. Се надевам дека после 16 години можеме да седнеме на маса и да најдеме решение. Можеби и Леви сака да ме продаде и да добие повеќе пари сега отколку за два или три години“, истакна Кејн.

„Сакам да играм Лига на шампиони и големи натпревари. Секогаш го кажувам тоа, сакам трофеи. Никогаш не сум рекол дека целата кариера ќе останам во Тотенхем“, додаде голгетерот.