Се најавува голема промена во фудбалот

Teлото задолжено за промена во фудбалската игра, ИФАБ ќе разговара за промена на правилата на фудбалската игра.

Често пати слушаме дека во фудбалот има проблем со губење на активното време за игра, сега британскиот „Тајмс“ наведува дека ќе се разгледуваат три предлози.

Првата е зголемување на судиското продолжение, нешто што веќе го гледавме на Светското првенство во Катар.

Вториот предлог е да се подобрат сегашните правила, додека како најреален се истакнува третиот  – запирање на времето кога топката не е во игра.

За ваквиот предлог се огласи и потпретседателот на Арсенал, Дејвид Деин кој го поддржува предлогот.

„Не зборувам дека секогаш треба да се запира времето, но тоа треба да се случува за голови, пенали ,повреди и прегледување на ВАР снимки“, изјави Деин.