Се менува планот: Европското првенство ќе се игра во 3 до 4 држави

Европската куќа на фудбалот е на пат да се откаже од планот Европското првенство да се игра во 12 различни градови и сега ќе се фокусира на варијанта да се одржи најмногу ви 3 до 4 држави.

На тој начин „Вембли“ може да го загуби домаќинството за финалето, ако до следното лето во Англија не се отворат стадионите за публика.

Според првичниот план на „Вембли“ требаше да се одиграат седум меча, меѓу кои двете полуфиналиња и натпреварот за трофејот. Меѓутоа, ако не може да има публика, таму сигурно нема да се игра финалето на ЕУРО 2020 (21).

Најголема грижа на УЕФА е дали државите домаќини ќе можат да примаат фанови и спонзори на стадионите. Поради тоа голема е веројатноста наместо во 12 градови, организацијата да се одржи во 3 до 4 држави.