Сер Алекс „типува“ на Ливерпул

Најтрофејниот тренер во историјата на Манчестер Јунајтед, Алекс Фергусон испрати многу пофални зборови за најголемиот ривал на „црвените ѓаволи“, екипата на Ливерпул.

Имено, Фергусон верува дека Ливерпул после 20 години е конкурентен во Премиер лигата и дека се едни од главните кандидати во борбата за титулата оваа сезона, најмногу поради Јирген Клоп.

„Се случува и најголемите светски клубови да имаат очајна серија која понекогаш може да трае и две децении. Токму таков е и Ливерпул кој смени голем број на менаџери во тој период, но тие менаџери го немаа идентитетот на клубот. Јирген Клоп го има! Оваа сезона Ливерпул е сериозен кандидат за титулата во Премиер лигата“, смета Фергусон.

Ливерпул игра одлично оваа сезона и моментално го дели првото место на табелата заедно со Манчестер Сити и Арсенал.