Сензација за „Златната топка“: Алжирец води пред Меси и Роналдо!

Челниците на „Франс Фудбал“ во понеделникот ја објавија комплетната листа од 30 фудбалери кои се во конкуренција за „Златната топка“.

На интернет страницата на еминентниот магазин може да се следи гласањето и резултатите после првите две дена се во најмала рака сензационални.

Имено, најдобриот играч на Премиер лигата за минатата сезона, Ријад Марез е во водство и тоа пред Лео Меси и Кристиано Роналдо, двајцата главни фаворити кои ги освоија последните осум „Златни топки“.

До сега Алжирецот има 1.441.705 гласови или 35% и е во водствот пред Меси кој има 29% и Кристиано Роналдо со 21%.

Сепак, треба да се има во предвид дека ова е само гласање на навивачите и дека конечниот збор ќе го имаат новинарите, но сепак не треба да се занемари.