Семејна драма за легендата на Реал Мадрид: Направил ДНК тест и дознал дека неговите деца не се негови

Легендарниот играч на Реал Мадрид минува низ тешки моменти во животот.

Жереми, поранешен фудбалер кој играше за Реал Мадрид и Челзи, доживува вистинска семејна драма. Камерунецот поднел барање за развод од својата долгогодишна сопруга Лаури Лоцо затоа што дознал дека тој не е биолошки татко на нивните деца.

Шеснаесет години откако добија близнаци, Жереми одлучил да направи ДНК тест и откри дека неговата сопруга цело време го лажела. Тестот откри дека неговата сопруга имала афера со поранешниот партнер и дека тој е татко на близнаците.

Адвокатот на екс-фудбалерот тврди дека ДНК тестот е доволна причина за развод, а неодамнешното откритие целосно го шокираше и го скрши Камерунецот, пишува англискиот таблоид „Сан“.

Жереми во својата богата кариера освои многу трофеи, со Реал Мадрид двапати го крена трофејот во Лигата на шампионите, а со Челзи двапати беше шампион на Англија.

За репрезентацијата на Камерун забележа 119 настапи и постигна 13 гола, освои два Купа на африканските нации.