СЕДИ ДОМА И ПОТСЕТИ СЕ: Лудото дерби на Манчестер (видео)

Во време кога има недостаток на спортски настани, а и препораките се да седиме дома, добро е да се потсетиме на легендарните моменти од спортот.

Премиер лигата е во прекин и им недостасува на љубителите на фудбалот, па сега е одлично време да се потсетиме на епски дуели од минатото.

Во сезоната 2009/10 беше одиграно едно од најлудите градски дербија на Манчестер. „Граѓаните“ тогаш беа во налет, правеа скап тим, а Фергусон ги нарече „бучни комшии“.

Дербито на „Олд Трафорд“ ја имаше една од најлудите завршните во поново време на Островот. Јунајтед имаше водство од 3:2 се до 90-та минута кога Белами го претрча Фердинанд и израмни на 3:3.

Судијата продолжи 5 минути и буквално во последните секунди од мечот, Мајкл Овен погоди за „експлозија“ на Олд Трафорд и победа на „црвените ѓаволи“.

Видете ја лудата завршница!