Салах: Јас немам луди барања, се е во рацете на клубот

Moхамед Салах и Ливерпул и понатаму преговараат околу новиот договор, но засега нема најави во кој правец тие течат.

Ливерпул во изминатите месеци ги продолжи договорите со едни од своите најважни играчи: Алисон, Ван Дајк, Арнолд, Мане и Фирмино, сега се чека Салах. Проблемот е во финансиските услови, Салах очекува да заработува повеќе од актуелниот договор.

Египкќанецот сака да биде вреднуван неговиот труд во изминатите пет години. Интересно е ако се погледне дека Марсијал во Јунајтед има поголема плата од Салах во Ливерпул.

„Јас сакам да останам, но се е во рацете на клубот. Управата знае што сакам, а тоа не се некои луди барања. Работата е што кога бараш нешто и тие ти нудат колку што мислат дека треба, така покажуваат вреднуваат се што си направил на теренот. Ова ми е петта година во клбуот. Ги сакам навивачите и тие ме сакаат. Кога во прашање е управата, тие знаат се и одлуката е во нивни раце“, изјави Салах.

Деталите не се познати, но според зборовите на Салах може да се заклучи дека барањата на Салах и она што го нуди Ливерпул се две различни работи.