Салах самоуверен: Споредете ме со било кој и ќе видите дека сум најдобар

Moхамед Салах беше прогласен за најдобар фудбалер во Англија во традиционалната анкета помеѓу новинарите и тоа му е секако драга награда.

За најдобар новинарите го прогласија и во 2018 година, а тој смета дека наградата која му е сега доделена завршиле во вистински раце. Според него нема подобар на неговата позиција во овој момент.

Салах игра на десната позиција во нападот и постигна 30 голови, додаде уште 16 асистенции во 48 натпревари за Ливерпул оваа сезона. Кога ќе се погледнат само бројките во Премиер лигата Салах има 22 гола и 14 асистенции во 34 натпревари.

„Споредете ме со било кој друг играч на мојата позиција, не само во мојот тим туку во целиот свет и ќе видите дека сум најдобар. Секогаш сум посветен на мојата работа и се трудам да бидам најдобар, бројките кои ги постигнувам се доказ за тоа што го зборувам“, изјави Салах.