Роналдињо кон соиграчите: Одете на центар, ќе дадам гол!

Фудбалот е игра која ја играле многу генијалци и само еден волшебник – Роналдињо!

Бразилецот најубавите денови од својата кариера ги помина во Барселона, а за неговите магии и вонсериски потези во каталонскиот дрес уште долго ќе се прераскажува. Ние ќе се осврнеме на еден негов потег.

Беше тоа во сезоната 2006/07 каде екипата на Барселона мораше да го победи Вердер во последното коло од групната фаза во Лигата на шампионите, а мечот ќе се памти по мајсторијата на Роналдињо од слободен удар.

Еден од соиграчите на Бразилецот, Деко откри интересен детал, кој е поврзан со овој прекрасен гол.

„Му пријдов на Роналдињо за да се договориме како ќе го изведеме овој слободен удар, а тој ми порача да ги соберам соиграчите и заедно сите да го чекаме на центарот, ова ќе биде погодок“, открива португалскиот фудбалер.