Ристовски: После бурниот период, ова е премија за мене

Динамо Загреб се пласираше во осминафинале на Лига Европа откако во првото коло од нокаут фазата го елиминираа руски Краснодар со вкупни 4-2.

Ова беше голем успех и за македонските фудбалери Аријан Адеми и Стефан Ристовски.

„Пласманот во осминафиналето од Лига Европа е награда за целата екипа, а лично за мене е една голема премија. Не очекував вакво нешто по бурниот период во Спортинг. Сега ќе играм осминафинале во Лига Европа. Му благодарам на Динамо, кој ми овозможи да се чувствувам како дома. Се надевам дека ќе ја продолжиме оваа серија“, вели Ристовски.