Реал приреди епски пресврт и повторно е во финале🎥

Реал Мадрид се пласираше во финалето од Лигата на шампиони, откако после драма го победи Баерн Минхен со 2:1.

Во првото полувреме мрежите мируваа, а видовме неколку спорадични шанси на двете страни, но се играше претпазливо.

Во 67-та минута Дејвис со фантастичен гол му донесе предност на Баерн Минхен, кого само неколку минути го делеа од пласман во финалето.

Во 90-та минута Ноер направи голем кикс, Хоселу го искористи и израмни на 1:1. Само две минути подоцна истиот играч постигна гол за водство и пласман во финале, каде „кралевите“ ќе ги одмерат силите со Борусија Дортмунд.