Реал Мадрид ја закажа и презентацијата на Азар!

Белгискиот фудбалер Еден Азар го напушти Челзи и кариерата ќе ја продолжи во Реал Мадрид.

Еден Азар после седум сезони одлучи дека е време да направи исчекор во својата кариера и го исполни својот сон од детството. Секогаш зборуваше дека негова желба е да заигра во дресот на Реал Мадрид и од пред неколку ден тој официјално е играч на „кралевите“.

Минатата недела Реал го потврди трансферот, а белгиската ѕвезда утре ќе биде преставен пред навивачите.

Реал Мадрид денес на својата официјална страна објави дека Азар утре ќе допатува во Мадрид и ќе биде официјално претставен.

Официјалното претставување пред навивачите на „Сантијаго Бернабеу“ е закажано за утре во 19:00 часот, а пред тоа ќе биде одржана првата прес конференција на Азар во дресот на Реал.

Денес Реал на „Бернабеу“ го презентираше Лука Јовиќ.

Official Announcement: @hazardeden10's presentation.#WelcomeHazard | #RealMadrid

— Real Madrid C.F. ???? (@realmadriden) June 12, 2019