Реал Мадрид најмногу заработил во Лигата на шампионите – ова се топ 10 (ФОТО)

УЕФА објави податок за тоа колку клубовите заработија во изминатиот циклус од Лигата на шампионите. Секако, најмногу заработи европскиот шампион, Реал Мадрид.

Реал Мадрид кој оваа сезона не блеска заработил вкупно 88.6 милиони евра, додека финалистот Ливерпул инкасирал 81.2 милиони.

Мадриѓаните во големото финале во Киев го совладаа Ливерпул со 3:1 со два погодоци на Герет Бејл, а овој натпревар остана запаметен и по кардиналните грешки на голманот на „црвените“ Лорис Кариус.

Интересно е што после Реал најмногу заработил Рома и тоа 83.8 милиони и тоа е така поради одличниот приход од маркетиншките и ТВ правата.

Иначе, конечната заработка се добива со собирање на приходот остварен низ евентуалните квалификации, потоа учеството во групната фаза и резултатите во истата, резултатите во нокаут фазата и конечно сумата од маркетингот и ТВ правата.

Топ 10 клубови по заработка:

Реал Мадрид (88.6 милиони евра)

Рома (83.8 милиони евра)

Ливерпул (81.2 милиони евра)

Јувентус (80.05 милиони евра)

Баерн Минхен (70.49 милиони евра)

Челзи (65.15 милиони евра)

Манчестер Сити (63.82 милиони евра).

ПСЖ (62.06 милиони евра)

Тотенхем (61.3 милиони евра)

Барселона (57.44 милиони евра)