Реал во финале на Светското клупско првенство🎥

Актуелниот европски шампион, Реал Мадрид без поголеми проблеми го совлада Ал Ахли и се пласираше во финалето на Светското клупско првенство.

Тимот на Карло Анчелоти иако без неколку стандардни првотимци, сепак покажа дека е многу поквалитетен од египетскиот клуб.

Винисиус го отвори резултатот во 42-та минута, а Валверде на почетокот на вториот дел зголеми на 2-0.

Египетскиот клуб се врати во игра во 65-та минута со гол од пенал на Малуи, „кралевите“ преку Модриќ зголемија на 3:1, а конечните 4:1 беа дело на Родриго во судиското продолжение.

Реал Мадрид во финалето ќе игра против Ал Хилал, а Ал Ахли со Фламенго ќе се бори за третото место.