Реализиран најголемиот трансфер во футсалот во последните години

Oд поодамна еден трансфер во футсалот не привлекол толку внимание како овој на Рикардо Фелипе Да Силва Брага или познат како Рикардињо.

Рикардињо во јануари најави заминување од Интер Мовистар, меѓутоа тој трансфер се реализираше дури денес. Португалецот од денес официјално е играч на францускиот клуб АЦЦС Футсал Клуб.

Овој 34 годишен играч со репутацијата најдобар футсал играч во светот дресот на Интер Мовистар го носеше во последните седум години и за тоа време освои пет титули, вклучувајќи и ја и оваа во последната сезона, три купа, еден кралски куп и две Лига на шампиони.

Од 2010 до 2018 година Рикардињо дури шест пати беше избиран за најдобар футсал играч во светот, а во 2018 стана и шампион на Европа со Португалија.