Рашфорд: Победа која ќе ни ја подигне самодовербата

Напаѓачот на Манчестер Јунајтед, Маркус Рашфорд му донесе голема победа на „црвените ѓаволи“ на гостувањето кај ПСЖ.

Рашфорд тврди дека оваа победа треба да ја поткрене самодовербата на тимот за понатамошни успеси.

„Игравме одлично, но има уште простор за напредок. Важно е за нас, фудбалерите, да веруваме во системот со кој главниот тренер ни вели да играме. Беше тешко на моменти, особено пред крајот на натпреварот, но сепак го одржувавме интензитетот висок. Понекогаш моравме да се браниме многу длабоко, бидејќи неверојатни играчи играат во ПСЖ“.

„Убаво беше да се постигне гол, но победата е поважна. Сега имаме силна позиција во групата, но помина само едно коло. Треба да ги задржиме интензитетот и концентрацијата што ги покажавме на натпреварот против ПСЖ. Оваа победа ќе ни ја подигне самодовербата, изјави Рашфорд.