Пјаниќ: Немаме право на кикс, со Наполи ќе водиме борба до последен момент

Фудбалерот од средниот ред на Јувентус, Миралем Пјаниќ смета дека неговиот клуб и Наполи за Скудетото ќе се борат до последното коло во Серија А.

Наполи во овој момент е лидер на табелата со 66 освоени бодови, а Јувентус има само еден помалку. На последните 10 натпревари двете екипи успеаа да забележат девет победи и едно реми и јасно е дека до крајот на сезоната ќе гледаме жестока борба.

Така смета и Миралем Пјаниќ.

„Ќе биде тоа жестока борба помеѓу нас и Наполи до последен момент. Во овој момент сме еден чекор зад нив. Немаме право на кикс, иако пред нас е период со многу гостински натпревари. Многу е важно да бидеме 100% спремни и здрави. Се надевам дека повредените играчи наскоро ќе се вратат, бидејќи ни се потребни за борба на три фронта“, изјави Пјаниќ.