„Пума“ и „Најк“ во битка за Халанд: Пред Норвежанецот договор од 50 милиони евра

Дефинитивно потписот на норвешкиот напаѓач Ерлинг Халанд е еден од најпосакуваните, а за него не се борат само клубовите туку и компаниите.

Халанд досега беше рекламно лице на „Најк“, но неговиот договор истече на крајот на јануари и сега е слободен да преговара за нов договор со некоја компанија. Медиумите пренесуваат дека во игра сериозно влегува и „Пума“.

Двете компании „Најк“ и „Пума“ се спремни да му дадат договор од 50 милиони евра за да ги носи нивните копачки во наредните пет години. Првиот договор кој Халанд го потпиша со „Најк“ вредеше еден милион евра и беше потпишан кога го носеше дресот на Салцбург.