Проблем за светскиот шампион: Еден од најважните играчи под знак прашалник за Мундијалот!?

Проблем за Германците пред Мундијалот….

Од таборот на актуелниот светски шампион не соопштиле ништо, но медиумите забележаа дека на тренинзите го нема – Меуст Озил!

Фудбалерот на Арсенал е надвор од терените, а „Билд“ тврди дека влече двојна повреда. Поточно, во Премиер лигата заработил повреда на грбот, а потоа во натпреварот против Австрија добил удар во коленото и проблемот не е наивен како што на почетокот се мислеше.

Додека неговите колеги од репрезентацијата времето го поминуваат на теренот, Озил го нема веќе четири дена, работи во теретана и како што сега стојат работите го чека подолга пауза.

Што тоа значи?

Прво, нема да биде во тимот на генералната проба против Саудиска Арабија во петок, а како што стојат работите Лев не ќе може да смета на него и на првиот натпревар од Мундијалот против Мексико.