Проблем за Милан: Раиола сака ниска откупна клаузула во договорот на Донарума

Според информациите на италијанските медиуми се уште нема договор помеѓу Џанлуиџи Донарума и Милан за продолжување на соработката.

Договорот на Донарума со Милан истекува на крајот на сезоната и двете страни веќе подолго време се во преговори.

„Росонерите“ на младиот голман му нудат петгодишен договор и плата од 7,5 милиони евра по сезона, со што ќе биде најпалтен фудбалер во тимот.

Агентот на Донарума, контроверзниот Мино Раиола се уште не ја прифаќа понудата бидејќи сака во договорот да има откупна клаузула од 40 милиони евра.

Тоа не е прифатливо за Милан бидејќи смета дека таа сума е премногу ниска и дека не е адекватна според вредноста на играчот.

📰 GdS: Raiola wants €40m release clause inserting into Donnarumma's renewal – the latesthttps://t.co/r4WsCtonr9 #SempreMilan

— SempreMilan (@SempreMilanCom) February 19, 2021