Пријателски натпревари: Милан го сруши Реал, Ливерпул го доби дербито со Арсенал

Богата програма во текот на ноќта низ Америка.

Милан го победија Реал Мадрид со 1:0. Единствениот гол го постигна Самуел Чуквезе, кој во вториот дел го совлада Куртоа.

Јунајтед го победи Бетис со 3:2, но лошите вести продолжуваат. Засилувањето Лени Жоро ќе отсуствува три месеци, Хојлунд шест недели, а против Шпанците, повреди заработија и Рашфорд и Ентони. По овој триумф Јунајтед го чека уште еден натпревар во Америка, против Ливерпул викендов.

„Црвените“ славеа против Арсенал во Вашингтон. Ливерпул стигна до предност со головите на Салах и Фабио Карваљо, а до полувремето Каи Хаверц намали за конечните 2:1.

Елиф Елмас и Лајпциг имаа одличен старт на подготовките за новата сезона и со победа од 2-0 над Астон вила ја започнаа американската турнеја.

Македонскиот репрезентативец беше стартер за Лајпциг и одигра 73 минути пред да биде заменет.

Ливерпул – Арсенал 2:1
Ман. Јунајтед – Бетис 3:2
Реал – Милан 0:1
Лајпциг – Астон Вила 2:0
Челзи – Клуб Америка 3:0