Претседателот на Лион има предлог: Дали ова е наједноставното решение за да се заврши сезоната?

Коронавирусот направи хаос и ги запре најсилните првенства во Европа. Прашањето кое сега се поставува е што кога ова лудило ќе заврши?

Многумина се прашуваат што ќе биде со националните првенства и меѓународните натпреварувања и дали воопшто ќе продолжат. Засега доминираат теориите за прекинување на натпреварувања и сметање на табелата каква што е во моментот на прекинот, а се шпекулира и за некаков плеј-оф.

Претседателот на Лион, Жан Мишел Аулас има предлог за националните првенства да се прогласи „празна сезона“.

„Најдобро решение е да кажеме дека ова е празна сезона. Титулата нека не се додели, а позициите за европските натпреварувања ќе ги добијат клубовите како и оваа сезона“, изјави Аулас.