Преодниот рок за Баерн е завршен уште пред да почне

Во изминатото лето Баерн Минхен остана без Роберт Левандовски и сезонава тимот од „Алијанц Арената“ не е доминантен како во претходнтие години.

Можеби и нема повразност, но Баерн во овој момент е второпласиран во Бундеслигата. Се шпекулираше дека клубот ќе се засилува во јануари, меѓутоа спортскиот директор Хасан Салихамоџиќ истакна дека Баерн нема да купува во јануари.

„Многу направивме во текот на летото и се подготвивме за целата сезона. Нема да бидеме активни во зимскиот преоден ро. Мислам дека добро сме покриени во сите делови, па така и во нападот. Нашиот напад може да се носи со сите во Европа, па дури и да биде најдобар“, самоуверено истакна Салихамиџиќ.

Летово најголемото засилување за Баерн во нападот беше Садио Мане од Ливерпул, додека најмногу платија за Де Лихт кој ја засили одбраната.