Премиер лигата ќе загуби 100 милиони поради пандемијата

Пандемијата од коронавирус ќе нанесе голема финансиска штета на Фудбалската асицијација на Англија, пренесуваат медиумите на Островот.

Имено, педантните англиски новинари пресметале дека загубите ќе бидат околу 100 милиони фунти.

Најголема е загубата од телевизиските права, билети и спонзори. Сето тоа сега е стопирано и дневните загуби во Премиер лигата се навистина големи.

Во Англија стравуваат дека нема да можат да ја завршат сезоната до 30-ти јуни бидејќи таму треба да се доигруваат најмногу натпревари во споредба со другите лиги.