Првиот човек на Ливерпул утрово поминал низ вистинска драма

Еден од сопствениците на Ливерпул, Мајк Гордон преживеал вистинска драма на аеродромот во Ливерпул утрово.

Гордон се враќал од Бостон и слетал на аеродромот Џон Ленон, но пилотот изгубил контрола и по влажната писта авионот се излизгал во тревата, пренесуваат англиските медиуми.

Покрај Гордон во авионот биле уште тројца луѓе, а сите поминале без повреди.

„Со Мајк се е во најдобар ред, помина без повреди. Тој сака да изрази благодарност до луѓето на аеродромот за брзата реакција“, објави портпаролот на Ливперул после инцидентот.

Се огласи и потрпаролот на аеродромот.

„Можеме да потврдиме дека утрово околу 6 часот се случи инцидент кога приватен лет со четири члена изгуби контрола“, стои во соопштението.

Инаку, Гордон е милијардер и сопственик на „Фенваз Спортс“, компанија која влезе во клубот во 2010 година.