Дома Фудбал Италија Почина некогаш најдобриот фудбалер на Германија и апсолутна легенда на Милан

Почина некогаш најдобриот фудбалер на Германија и апсолутна легенда на Милан

Во ноќта зад нас, почина познатиот германски фудбалер и легенда на Милан Карл-Хајнц Шнелингер, човекот кој ги освои сите трофеи кои можеа да се освојат со „росонерите“.

Шнелингер (85) почина синоќа во болница во Милано, каде што живееше со децении бидејќи токму таму направи фантастична кариера.


Германија гази и најавува битка за титула! ↓↓↓


Поранешниот дефанзивец и репрезентативец на Германија играше на четири Светски првенства, а постигна гол во таканаречениот „натпревар на векот“ против Италија на СП 1970 година.

На клупски план освои се што требаше да се освои, а во 1962 година беше прогласен за најдобар играч во Германија. Најголем белег остави во Милан со кој беше европски шампион во 1969 година.

Шнелингер играше во Милан девет години и за тоа време стана шампион на Европа, ја освои Серија А, три трофеи во Купот на Италија, два трофеи во Купот на победниците на куповите и Интерконтиненталниот куп.

Со Келн беше германски шампион, а со Рома го освои Купот на Италија. Со репрезентацијата на Западна Германија играше во финалето на Светското првенство во 1966 година, а во изборот за Златната топка беше трет на листата во 1962 година, зад легендарниот Чех Јозеф Масопуст и Португалецот Еузебио.

Освен за Келн, Рома и Милан, Шнелингер играше и за Мантова, матичниот клуб Дурен 99 и Тенис Борусија од Берлин. За Западна Германија забележа 47 настапи.

Коментари
Прочитајте поврзани статии
Load More In Италија

Проверете

Страшни сцени на ЕП: Докторите го спасуваа животот на унгарски репрезентативец 🎥

Во 68. минута од натпреварот помеѓу Шкотска и Унгарија видовме страшна сцена во која настр…